［開心mode：炮台山八千呎文具舖]
☆*:.｡. o(≧▽≦)o .｡.:*☆
頭先先知原來屋企附近開左間成八千呎咁大既文具舖，真係開心到一放工，飯都未食就衝去，仲忍唔住買左嘢。以後我買顏料同筆都唔洗走咁遠喇，我仲發現左平時無見過既寫字筆，即刻入貨。仲有我用開既木顏色牌子做緊八五折，好心動。
其實近年香港好多類型既舖頭都逐漸消失，文具或勞作舖頭都買少見少。今次見到「中南廣場」咁大投資喺炮台山地鐵站對面開間八千呎既舖頭，頭先行果陣都聽到好幾個人話開到咁大間，會唔會做唔住架。我地香港人都好明白舖租真係好貴，而文具畫具呢啲用品都唔係必需品，而喺香港做呢啲嘢都唔太搵錢。
希望大家都支持下啦，難得仲有咁大間舖頭可以行，唔洗下下網購。
北角英皇道135號民眾大廈M樓全層 （一出炮台山地鐵油街出口，望過對面馬路就見到架喇）
營業時間：10:00-21:00
***新張開業，全店九折***
所有畫簿同盒裝木顏色（包括我最愛Faber Castell)都有八五折
我仲見到好多款Secret Garden，後悔掛住自己睇，無影多啲相比你地睇。有機會就過去啦！
Search